БОЛАШАҚҚА ҚАТЫСТЫ ХАБАРЛАР

Жақын замандарда

1. Бухари мен Муслим Усамадан (р.а.) жеткізеді:
(Усама – Зәйд ибн Харисаның ұлы.)
Аллаһ елшісі Усаманы жақсы көріп, қасынан тастамайтын. Хасан немесе Хусейнді (р.а.) бір тізесіне отырғызса, екінші тізесіне Усаманы отырғызатын^[1].

Бір күні бәрін бірдей меңзеп: «Аллаһым! Бұларға рақымдылық ет! Өйткені мен де бұларға мейіріммен қараймын», – деп дұға еткен еді^[2].

Аллаһ елшісі өмірінің соңына таман Усаманы Визан-тияға қарсы жасақталған әскерге қолбасшы етіп тағайын-дады. Усаманың әкесі көп жыл бұрын сонда шейіт болған еді. Алайда күннен-күнге пайғамбарымыздың денсаулығының ауырлап бара жатқанын көрген Усама әскерді тоқтатып, әз Елшінің көзі жұмылғанша  орнынан қозғалған жоқ^[3].

Міне, сол Усама (р.а.) былай дейді:
«Бір күні Аллаһ расулымен бірге отырған едім. Сол күні ол Мәдинаның биік үйлерінің бірінің төбесіне шығып, айналаға барлай қарап тұрып, бір мезет:
«Дәл қазір үйлеріңнің арасына бүліктің нөсердей жауғанын көріп тұрмын»,– деді^[4].

Осыдан көп ұзамай ол арамыздан кетті. Кетісімен, расында да көшелерде бүлік қаптап, селдей ағып жолын-дағысын жайпап жатты. Омар, Осман, Әлилер (р.анһум) – бәрі сол кезде қатты белең алған бүліктің құрбаны еді. Қайғы-қасырет әкелген бұл бүліктер де Пайғамбарға «айтқаның рас» дейтіндей...